السلام عليكم
----------------------------
كتير عنده كذا خط وبيدمجهم زي ماهو شائع لكن الحقيقه مافيش حاجه اسمها دمج هي توزيع احمال وليس دمج لان الفارق كبير
اللي بيقوم بالدمج هي البرامج زي الدونلود مانجر طيب ازاي ؟ انا هحاول اوضح ازي بتتوزع الاحمال وبعد كده نرجع للدونلود مانجر
للي مايعرفش packet هي حزمة بيانات بيكون فيها الماك ادرس والاي بي ورايح لانه اي بي ونوع الداتا وجزء من الداتا يعني الداتا اللي طالعه من عندك لمكان تاني بتتقسم ل packets
طيب connection هو الاتصال ذات نفسه بين جهازين شامل كل الداتا بينهم ولكن
ممكن نخلي الاتصال بين جهازين اكتر من connection يعني ايه؟؟
يعني ممكن اعتبر لو اتصلت بموقع ياهو دا اسمه كونكشن و ممكن اقول اتصالي بياهو يكون كذا كونكشن علي حسب البورت اللي انا رايح بيه او بتاع الياهو
يعني لو بتتصفح هيكون البورت بتاع الياهو ثابت اللي هو 80 طيب لو بشوف اميل ياهو بيكون ssl يعني 443 وطالما معظمنا شغال NAT يبقي انا بروح للموقع ببورت متغير دايما الكلام دا خليه معانا هيفيدنا في اللي جاي
طريقة ال NTH
الطريقه دي بتقسم الPackets الي مجموعات وكل مجموعه بتحطها علي خط منفصل يعني انت لو داخل علي الياهو الداتا اللي رايحه له هتتقسم علي الخطوط عشوائي طيب لو خط واقع المفروض علي حسب الكلام ان النت هيفصل لكن دا مش بيحصل علشان خاصية ال windowing و ال handshaking بتاعت الTCP ايوه يعني اللي هما ايه ؟؟ اللي هما لو باكت وقعت بيخلي الجهاز يبعتها تاني ودا اختصارا
يبقي NTH في التوزيع بتوزع 100% بالتساوي لكن مش مستقره لان الخطوط اساسا مش مستقره
يعني بيوزعلك الاتصال الواحد علي خطين او ثلاثه(اللي هما خطوط الانترنت) ودا انا شايف ان لو الخطوط مش مظبوطه يبقي بلاش منه
'طريقة ال PCC
وهي تعتمد علي الconnection وممكن نحدد معني الكونكشن دا براحتنا lممكن نقول اي داتا جايه من المستخدم دي اسمها كونكشن
وممكن نقول لو المستخدم بيشوف ياهوو دا كونكشن ولو شاف موقع تاني يبقي كونكشن تاني وكل موقع يوصله نقول عليه كونكشن منفرد
ودي اللي المعظم بيستخدمه
مثال
dd chain=prerouting in-interface=LAN connection-mark=no-mark dst-address-type=!local \ per-connection-classifier=both-addresses:2/0 action=mark-connection new-connection-mark=ISP1_conn add chain=prerouting in-interface=LAN connection-mark=no-mark dst-address-type=!local \ per-connection-classifier=both-addresses:2/1 action=mark-connection new-connection-mark=ISP2_connنلاحظ الجزء دا
per-connection-classifier=both-addresses
دا معناه اننا هنعتبر الكونكشن هو اتصال بين المستخدم وموقع
يعني كونكشن رقم واحد بيني وبين ياهوو
كونكشن 2 بيني وبين الفيس بوك
كونكشن 3 بيني وبين الماسنجر
وتتوزع الكونكشن علي الخطوط بالنسب اللي هقولها اخر الموضوع
طيب لو انا عايز اجزء العملاء علي الخطوط يعني كل الكونكشن اللي مني انا تطلع علي خط واحد
ونوزع العملاء علي الخطوط نفرض ان في خط لينك والتاني تي اي داتا
هخلي جزء من العملاء لينك والجزء التاني تي اي داتا طبعا عشوائي
هخلي per-connection-classifier=src=-address
نسب التوزيع
كلنا بنشوف في الكود 4/1 , 2/0 الارقام دي بتتحط ازاي
هشرح حاجه بسيطه في الرياضه اللي هي Modules
لو مثلا اخدنا رقم 3 هو الاساس
ونقول رقم زي 5 قسمناه علي 3 هيبقي 1 ويتفضل 2
طيب لو 6 قسمناها علي 3 هيبقي 2 وهيتفضل 0
لو 4 قسمناها علي 3 هيبقي 1 ويتفضل 1
المايكروتك بيعمل ايه ؟؟؟
بيشوف انت محدد الكونكشن دا ازاي هل هو اي بي المصدر (المشترك ) مع اي بي الهدف (الموقع)
ويعمل معادله ويحوله لرقم صحيح ويقسمه علي الرقم اللي انت محددهويشوف الباقي لو الباقي 0 يبقي علي الخط الاول
لو الباقي 1 يبقي علي الخط الثاني وهكذا انا عارف ان الناس وقعت دا مش عيب فيهم لا لاني مش بعرف اشرح كويس
بس هحاول اوصلها بمثال
دا دمج خطين متساوين
add chain=prerouting in-interface=LAN connection-mark=no-mark dst-address-type=!local \ per-connection-classifier=both-addresses:2/0 action=mark-connection new-connection-mark=ISP1_conn
add chain=prerouting in-interface=LAN connection-mark=no-mark dst-address-type=!local \ per-connection-classifier=both-addresses:2/1 action=mark-connection new-connection-mark=ISP2_conn add chain=prerouting connection-mark=ISP1_conn in-interface=LAN action=mark-routing \ new-routing-mark=to_ISP1
كلنا شايفين انه حاطط 2/0 , 2/1
يبقي لو اول كنكشن الايبي بتاع العميل 192.168.1.10 ,واي بي الموقع 3.2.40.4
يبقي هيجمع 4+0+4+2+3+0+1+1+8+6+1+2+9+1 بيساوي 42
هنقسم 42 علي ال 2 هيقي 21 ويتفضل 0 (2/0) يبقي الكونكشن دا يروح علي الخط الاول
لو واحد عنده خطين واحد 4 والتاني 2 هنحط الارقام ازاي ؟
اقل خط هو ال 2 ميجا ومجموع الخطوط 6 ميجا يبقي 6 علي 2 بيساوي 3 يبقي الارقام هتكون
3/0 3/1 3/2
وطبعا نخلي 3/0 , 3/1 يروحوا للخط الاكبر اللي هو 4 ميجا
مثال تاني واخير
عندي 3 خطوط 1 ميجا و التاني 2 ميجا والتالت 4 ميجا هوزع ازاي
اقل خط 1 ميجا ومجموع الخطوط 7 يبقي. 7 علي 1 بيساوي 7
هيبقي الكود سبع اسطر الاول 7/0 والتاني 7/1 ,..... الي 7/6
السطر الاول يشاور علي الخط الاول
والسطر التاني والتالت علي الخط التاني
والسطر الرابع للسابع للخط الثالت
اخيرا هو فين الدمج الدمج بيحصل لاننا بنقول ان كل مستخدم مع اي بي الموقع بيكون كونكشن
وطبعا الدونلود مانجر بيدونلود من اي بيهات مختلفه يعني بيعمل 16 كونكشن بتتوزع علي الخطوط
علشان كده بنقول دمج ولكن فعليا مافيش حاجه اسمها دمج
جربوا غيروا per-connection=src-address وشوفاوا الدونلود مانجر هيدمج ولا لا
المفروض لا
-----------------
لمتابعتي ولمشاهده جديد فيديوهاتي اتمني منكم الاشتراك
علي قناتي علي اليوتيوب
والاشتراك في مدونتي
وعلي الفيس بوك
اخوكم ربيع عيد
*************************
تعليقات
إرسال تعليق